Góð vítamínrútína getur verið lykillinn að betri orku, sterkara ónæmiskerfi, bættri hormónastarfsemi og almennri vellíðan. Fyrir margar konur, getur þetta verið lykillinn að því að ná betri líðan á mismunandi stigum lífsins.
Konur upplifa mismunandi þarfir á mismunandi tímapunktum:
-
Á barneignaraldri eykst þörfin fyrir fólat, járn og B-vítamín
-
Á meðgöngu og í brjóstagjöf þarf aukinn styrk af kalki, joði, kólíni og omega-3
-
Á breytingaskeiði og eftir tíðahvörf er mikilvægt að styðja bein, orku og hormónajafnvægi
Af hverju geturðu fundið fyrir ógleði eftir að taka vítamín?
Það er algengt að finna fyrir vægum óþægindum eða ógleði eftir að taka vítamín – sérstaklega ef þau eru tekin á tóman maga. Sum vítamín og steinefni, eins og járn, sink, magnesíum og B-vítamín, geta ert maga eða haft áhrif á meltingu. Þetta á sérstaklega við þegar vítamín eru tekin með koffíndrykkjum eins og kaffi eða orkudrykkjum.
Einnig getur ógleði komið fram ef þú borðar minna en venjulega, t.d. ef þú ert að fylgjast með macros eða ert í kaloríuskorti – þá hefur líkaminn minna „púður“ til að vinna úr vítamínunum og magaerting getur aukist.
Góð regla: Taktu vítamín alltaf með eða rétt eftir máltíð og með vatni – það dregur úr ógleði og eykur frásog næringarefna.
Hvers vegna áttu ekki að taka vítamín með kaffi eða orkudrykkjum?
Að taka vítamín með kaffi, orkudrykkjum eða á tóman maga getur aukið líkur á ógleði og dregið úr frásogi. Best er að taka vítamín með mat og vatni – ekki kaffi eða orkudrykkjum.
Gott að hafa í huga þegar þú tekur vítamín
✨ 1. Taktu ekki vítamínin á tóman maga
Það getur valdið ógleði – taktu þau með mat eða eftir máltíð.
✨ 2. Ekki með kaffi eða orkudrykkjum
Koffín og sýra geta truflað upptöku, sérstaklega á járni.
✨ 3. Drekktu nóg af vatni með og yfir daginn
Vatn hjálpar líkamanum að nýta vítamínin betur.
✨ 4. Vertu þolinmóð og fylgstu með áhrifum
Það getur tekið 2–4 vikur að finna fyrir jákvæðum áhrifum. Mundu að taka vítamínin á hverjum degi.
✨ 5. Taktu vítamínin ekki á sama tíma og lyfin þín
Lyf eins og Wegovy, Ozempic og Metformin geta aukið ógleði – betra er að taka vítamínin á öðrum tíma dags en þú tekur lyfin þín.
