Support

Frá því að blæðingar hefjast og þar til þær enda sveiflast hormónin líkt og rússíbani. Þetta flókna kerfi hefur í raun eitt markmið, að hámarka líkur á frjóvgun, óháð því hvort við höfum markmið um að verða barnshafandi eða ekki. Þetta hárfína ferli krefur líkamann um ýmis næringarefni, góðan svefn og að halda streitu í lágmarki til þess að skapa þessar kjöraðstæður einu sinni í mánuði. 

Það tekur um 100 daga fyrir eggbú að þroskast og þar til egglos verður. Ýmislegt getur haft neikvæð áhrif á þroska þeirra á þessu tímabili svo sem bólgumyndun, skjaldkirtilsvandamál eða insúlín viðnám sem getur þannig haft áhrif á tíðahringinn mánuðum seinna. Verði ekki egglos framleiðir líkaminn ekki prógesterón, en eitt af hlutverkum þess er að viðhalda reglu á tíðahring og fyrstu stigum meðgöngu.

Konur sem hafa tíðablæðingar hafa aukna þörf fyrir járn. Rannsóknir á mataræði Íslendinga sýna að konur á þessum aldri fá að jafnaði aðeins tæpega 60% af ráðlögðum dagskammt úr fæðu og engin kona á þessum aldri náði ráðlögðum dagskammt af járni. Support inniheldur járn á forminu iron bisglycinate sem hefur hámarksupptöku og fer vel í magann.

Við getnað eykst þörf fyrir ákveðin næringarefni svo sem fólat og joð. Íslenskar konur á barneignaraldri ná ekki ráðlögðum dagskammt af hvorugu þessu næringarefni úr fæðunni einni saman. Þessi næringarefni eru gríðarlega mikilvæg strax við getnað og því mikilvægt að tryggja þau í nægilegu magni áður en getnaður á sér stað. Rannsóknir hafa sýnt fram á tengsl lítillar inntöku fólats fyrir þungun og á fyrstu vikum meðgöngu og hættu á alvarlegum skaða í miðtaugakerfi fóstursins. Flest fjölvítamín fyrir konur innihalda fólat á forminu fólínsýru en það er kemíska formið af næringarefninu. Sumar konur eiga erfitt með að nýta það form og því notum við methyl fólat sem tryggir líkamanum hámarksupptöku.

Önnur næringarefni sem konur á barneignaraldri fá ekki nóg úr fæðu eru D-vítamín, E-vítamín, B2- og B5- vítamín, C-vítamín, magnesíum og selen.

Margar konur hafa í gegnum tíðina notað hormónagetnaðarvarnir sem geta gengið á mikilvæg næringarefni s.s. B6-vítamín, B-12 vítamín og fólat.

Konur sem borða lítið af dýraafurðum eru líklegri til þess að innbyrða minna af B12-vítamíni, joði og járni úr fæðu.

FRJÓSEMI

Sink stuðlar að eðlilegri frjósemi og æxlun.

HORMÓNAJAFNVÆGI

B6-vítamín stuðlar að því að halda reglu á hormónastarfsemi.

MEÐGANGA

Fólat stuðlar að vefjavexti hjá þunguðum konum.

TESTÓSTERÓN

Sink stuðlar að viðhaldi eðlilegs testósteróns í blóðinu.

SKJALDKIRTILL

Joð stuðlar að eðlilegri framleiðslu skjaldkirtilshormóna og joð og selen stuðla að eðlilegri starfsemi skjaldkirtils.

ÞREYTA

Fólat, járn, magnesíum, B2-, B5-, B6-, B12- og C- vítamín stuðla að því að draga úr þreytu.

ANDLEG HEILSA

Fólat, magnesíum, B6-, B12- og C-vítamín stuðla að eðlilegri sálfræðilegri starfsemi.

ÓNÆMISKERFI

Kopar, fólat, járn, selen, sink, B6-, B12-, C- og D-vítamín stuðla að eðlilegri starfsemi ónæmiskerfisins.