Essential

Frá því að blæðingar hefjast og þar til þær enda sveiflast hormónin líkt og rússíbani. Þetta flókna kerfi hefur í raun eitt markmið, að hámarka líkur á frjóvgun, óháð því hvort við höfum markmið um að verða barnshafandi eða ekki. Þetta hárfína ferli krefur líkamann um ýmis næringarefni, góðan svefn og að halda streitu í lágmarki til þess að skapa þessar kjöraðstæður einu sinni í mánuði. 

Á fyrsta þriðjungi meðgöngu rísa gildi estrógens og prógesteróns jafnt og þétt. Þegar meðganga hefur náð 20 vikum taka þau kipp og rísa dramatískt til þess að styðja við frekari vöxt fóstursins. Gildi þeirra ná hápunkti undir lok meðgöngu og eru þá gildi estrógens um 6-falt hærri en áður en konan varð barnshafandi.

Konur sem hafa tíðablæðingar hafa aukna þörf fyrir járn. Rannsóknir á mataræði Íslendinga sýna að konur á þessum aldri fá að jafnaði aðeins tæpega 60% af ráðlögðum dagskammt úr fæðu og engin kona á þessum aldri náði ráðlögðum dagskammt af járni. Rise inniheldur járn á forminu iron bisglycinate sem hefur hámarksupptöku og fer vel í magann.

Frá öðrum þriðjungi meðgöngu (e. second trimester) fer blóðmagn að aukast umtalsvert en talið er að það geti að jafnaði verið 50% meira magn en fyrir meðgöngu. Þetta veldur því að járnþörfin eykst verulega á þessu tímabili og því tekur pakkinn Create við frá öðrum þriðjungi meðgöngu.

Við getnað eykst þörf fyrir ákveðin næringarefni svo sem fólat og joð. Íslenskar konur á barneignaraldri ná ekki ráðlögðum dagskammt af hvorugu þessu næringarefni úr fæðunni einni saman. Þessi næringarefni eru gríðarlega mikilvæg strax við getnað og því mikilvægt að tryggja þau í nægilegu magni áður en getnaður á sér stað. Rannsóknir hafa sýnt fram á tengsl lítillar inntöku fólats fyrir þungun og á fyrstu vikum meðgöngu og hættu á alvarlegum skaða í miðtaugakerfi fóstursins. Þar sem þungun getur átt sér stað óvænt mælir landlæknir með að allar konur sem geta orðið barnshafandi taki inn fólat í formi bætiefna daglega og út fyrsta þriðjung meðgöngu. Flest fjölvítamín fyrir konur innihalda fólat á forminu fólínsýru en það er kemíska formið af næringarefninu. Sumar konur eiga erfitt með að nýta það form og því notum við methyl fólat sem tryggir líkamanum hámarksupptöku.

Önnur næringarefni sem konur á barneignaraldri fá ekki nóg úr fæðu eru D-vítamín, E-vítamín, B2- og B5- vítamín, C-vítamín, magnesíum og selen.

Margar konur hafa í gegnum tíðina notað hormónagetnaðarvarnir sem geta gengið á mikilvæg næringarefni s.s. B6-vítamín, B-12 vítamín og fólat.

Konur sem borða lítið af dýraafurðum eru líklegri til þess að innbyrða minna af B12-vítamíni, joði og járni úr fæðu.

MEÐGANGA

Fólat stuðlar að vefjavexti hjá þunguðum konum.

HORMÓNAJAFNVÆGI

B6-vítamín stuðlar að því að halda reglu á hormónastarfsemi.

HÚÐ, HÁR & NEGLUR

Joð stuðlar að viðhaldi eðlilegrar húðar. Sink stuðlar að viðhaldi eðlilegs hárs og nagla.

ÞREYTA

Fólat, járn, magnesíum, B6-, B12- og C-vítamín stuðla að því að draga úr þreytu.

TAUGAKERFI

Joð, magnesíum, B6-, B12- og C-vítamín stuðla að eðlilegri starfsemi taugakerfisins.

ÓNÆMISKERFI

Fólat, járn, sink, B6-, B12-, C- og D-vítamín stuðla að eðlilegri starfsemi ónæmiskerfisins.

BEIN

Magnesíum, sink, D- og K-vítamín stuðla að viðhaldi eðlilegra beina.