Erupt

Konur sem hafa tíðablæðingar hafa aukna þörf fyrir járn. Rannsóknir á mataræði Íslendinga sýna að konur á þessum aldri fá að jafnaði aðeins tæpega 60% af ráðlögðum dagskammt úr fæðu og engin kona á þessum aldri náði ráðlögðum dagskammt af járni. Erupt inniheldur járn á forminu iron bisglycinate sem hefur hámarksupptöku og fer vel í magann.

Við getnað eykst þörf fyrir ákveðin næringarefni svo sem fólat og joð. Íslenskar konur á barneignaraldri ná ekki ráðlögðum dagskammt af hvorugu þessu næringarefni úr fæðunni einni saman. Þessi næringarefni eru gríðarlega mikilvæg strax við getnað og því mikilvægt að tryggja þau í nægilegu magni áður en getnaður á sér stað. Rannsóknir hafa sýnt fram á tengsl lítillar inntöku fólats fyrir þungun og á fyrstu vikum meðgöngu og hættu á alvarlegum skaða í miðtaugakerfi fóstursins. Þar sem þungun getur átt sér stað óvænt mælir landlæknir með að allar konur sem geta orðið barnshafandi taki inn fólat í formi bætiefna daglega. Flest fjölvítamín fyrir konur innihalda fólat á forminu fólínsýru en það er kemíska formið af næringarefninu. Sumar konur eiga erfitt með að nýta það form og því notum við methyl fólat sem tryggir líkamanum hámarksupptöku.

Önnur næringarefni sem konur á þessu lífsskeiði fá ekki nóg úr fæðu eru D-vítamín, E-vítamín, B2- og B5- vítamín, C-vítamín, magnesíum og selen.

Margar konur nota hormónagetnaðarvarnir sem geta gengið á mikilvæg næringarefni s.s. B6-vítamín, B-12 vítamín og fólat.

Konur sem borða lítið af dýraafurðum eru líklegri til þess að innbyrða minna af B12-vítamíni, joði og járni úr fæðu.

Tíðahringurinn er hárfínt ferli þar sem hormónin estrógen og prógesterón vinna á móti hvort öðru og leitast við að halda ákveðnu jafnvægi. Ein af ástæðum þess að konur fá miklar blæðingar og verki er þegar estrógen gildi eru há samanborið við prógesterón gildi. Það getur gerst ef að líkaminn á erfitt með að losa sig við estrógen. Eitt af hlutverkum estrógens er að örva vöxt og þykkt slímhúðar og undirbúa legið fyrir mögulega frjóvgun. Á móti er eitt af hlutverkum prógesteróns að þynna slímhúðina og þannig minnka blæðingar og verki. Því meira magn estrógens, því þykkari verður slímhúðin og því meiri verða blæðingarnar sem koma í kjölfarið.

Ein ástæða mikilla verkja í tengslum við egglos og blæðingar er sjúkdómurinn endómetríósa. Sjúkdómurinn lýsir sér á þann veg að endómetríósufrumur setjast á yfirborðsþekju á hinum ýmsu líffærum, bregðast við mánaðarlegum hormónabreytingum líkamans og valda þar bólgum. Þannig getur einstaklingur með endómetríósu verið með innvortis blæðingar í hverjum mánuði á þeim stöðum sem frumurnar eru. Þar sem þetta blóð kemst ekki í burtu geta myndast blöðrur á þessum stöðum. Einnig geta myndast samgróningar milli líffæra og innan kviðarholsins eða annarsstaðar í líkamanum. Talið er að umframmagn estrógens geti aukið á einkenni sjúkdómsins.

HORMÓNAJAFNVÆGI

B6-vítamín stuðlar að því að halda reglu á hormónastarfsemi.

BLÆÐINGAR

Fólat stuðlar að eðlilegri blóðmyndun. Járn stuðlar að eðlilegri myndun blóðrauða og járn og B12-vítamín stuðla að eðlilegri myndun rauðra blóðkorna. Ríbóflavín stuðlar að viðhaldi eðlilegra rauðra blóðkorna og eðlilegum efnaskiptum járns.

BLÓÐSTORKNUN

Kalsíum og K-vítamín stuðla að eðlilegri blóðstorknun.

EFNASKIPTI ESTRÓGEN Í LIFUR

Kólín stuðlar að viðhaldi eðlilegrar starfsemi lifrar.

SKJALDKIRTILL

Joð stuðlar að eðlilegri framleiðslu skjaldkirtilshormóna og joð og selen stuðla að eðlilegri starfsemi skjaldkirtils.

ÞREYTA

Fólat, járn, magnesíum, B2-, B5-, B6-, B12- og C- vítamín stuðla að því að draga úr þreytu.

ANDLEG HEILSA

Fólat, magnesíum, B6-, B12- og C-vítamín stuðla að eðlilegri sálfræðilegri starfsemi.

ÓNÆMISKERFI

Kopar, fólat, járn, selen, sink, B6-, B12-, C- og D-vítamín stuðla að eðlilegri starfsemi ónæmiskerfisins.