Svona verður Venja til

Hvernig við veljum innihaldið

Hvert innihaldsefni er valið af ástæðu.

Við bætum ekki hráefnum í dagpakkann bara til að lengja innihaldslistann. Hvert vítamín, steinefni eða annað næringarefni þarf að hafa skýrt hlutverk og passa við það lífsskeið sem dagpakkinn er hannaður fyrir.

Þegar við setjum saman blöndurnar okkar horfum við meðal annars til þess að innihaldsefnin:

styðji þær næringarþarfir sem skipta máli á hverju lífsskeiði
eigi sér stoð í rannsóknum og leyfðum heilsufullyrðingum
vinni vel saman sem hluti af heildinni

Við skoðum líka hvernig næringarefni hafa áhrif hvert á annað. Ef tvö efni geta dregið úr upptöku hvort annars veljum við form og skammta sem draga eins og hægt er úr þeim áhrifum. Hráefni sem uppfylla ekki kröfur okkar um öryggi eða eru ekki leyfð á okkar mörkuðum eiga einfaldlega ekki heima í Venju.

Hvernig við ákveðum skammtana

Meira er ekki alltaf betra.

Markmiðið er að finna það magn sem styður raunverulegar þarfir án þess að fara fram úr því sem skynsamlegt er.

Þess vegna veljum við skammta sem:

taka mið af opinberum ráðleggingum
hjálpa til við að brúa bilið á milli þess sem konur fá úr fæðunni og þess sem þær þurfa
byggja á því magni sem hefur verið rannsakað

Við tökum líka alltaf mið af öruggum efri mörkum. Það skiptir sérstaklega máli á lífsskeiðum eins og meðgöngu, þar sem auðvelt er að fá of mikið af einstökum næringarefnum ef mörg bætiefni eru tekin saman.

Formin sem við veljum

Ekki öll vítamín og steinefni eru eins.

Sama næringarefni getur verið til í mismunandi formum og þau nýtast líkamanum ekki alltaf á sama hátt.

Við veljum form sem:

nýtast líkamanum vel
henta vel í daglega notkun
halda gæðum sínum í blöndum með fleiri næringarefnum

Allar blöndur frá Venju eru vegan. Við veljum hráefni sem standast kröfur okkar um gæði og öryggi og notum ekki form sem vekja öryggisáhyggjur eða eru ekki samþykkt.

Af hverju notum við hylki?

Við veljum hylki frekar en töflur.

Mörgum finnst þau auðveldari að kyngja og þau henta vel fyrir daglega notkun. Hylkin okkar eru úr plöntubundnu efni sem er vegan og valið fyrir hreinleika, stöðugleika og gæði.

Hvað með hjálparefnin?

Öll bætiefni innihalda hjálparefni.

Þau sjá meðal annars um að halda hylkinu stöðugu og tryggja að innihaldsefnin dreifist jafnt.

Við notum aðeins það sem þarf og veljum þau af sömu alúð og virku innihaldsefnin. Markmiðið er einfalt: ekkert óþarft.

Hvernig Venja er framleidd

Dagpakkarnir okkar eru framleiddir í vottuðum verksmiðjum í Evrópu samkvæmt alþjóðlegum gæðastöðlum.

Framleiðslan fer fram í Hollandi þar sem hvert skref er skráð og yfirfarið. Þannig tryggjum við að gæðin haldist þau sömu, framleiðslulotu eftir framleiðslulotu.

Próf og rekjanleiki

Við viljum vita nákvæmlega hvaðan hráefnin koma og að þau standist þær kröfur sem við gerum.

Þess vegna eru hráefnin prófuð áður en framleiðsla hefst. Á meðan á framleiðslu stendur eru lykilþættir yfirfarnir og skráðir. Að henni lokinni er hver framleiðslulota send í óháða greiningu hjá Eurofins, einni stærstu rannsóknarstofu Evrópu.

Þar er meðal annars prófað fyrir:

örverum
þungmálmum, þar á meðal arseni, kadmíum, blýi, kvikasilfri og nikkeli
myglueiturefnum

Þannig vitum við að dagpakkinn sem kemur til þín uppfyllir sömu gæðakröfur og sá sem kom á undan.